不過如若想要跳進未知的海洋中深索的話，請大家時刻保持冷靜及經常思考。
之前碰巧看到一個奇奇怪怪的分獎典禮，內容十分搞笑，仍十分有質素，喵宅便決定介紹一下它了—毛記電視《第一屆十大勁曲金曲分獎典禮 》。不過由於喵宅不太懂時事的東西，所以不太打算分析當中的議題，此文章純粹是讓和我一樣整天待在家中不運動不游泳的獨龜能稍稍吸一吸水，增加一點小知識也好，消磨一下時間也好。
為什麼喵宅會看這種（看似）和二次元相對的現實東西？其實喵宅時而會看ACG的改編或翻唱歌曲，漸漸也會看到一些流行曲的改編曲。填詞方面，ACG歌通常是以貼近原意、劇情及反映作品的中心思想為基礎重新填詞的。而流行曲的歌詞內容較多會扯上一些惡搞成份及時事社會議題（然後也有一些較為輕鬆的流行文化）。
當你在聽一首動畫主題曲的改編版本時，如果完全不認識該動畫，那麼你在觀看時便會少了一份因共鳴而産生的喜感（或厭惡感）。同樣道理，我們要得知背後影射的事物才能更深入欣賞二次原創作品（以及再一次揶揄事件，樂在其中），因此我們便來看看這個分獎典禮中的歌曲是怎麼一回事吧。
（以下內容很長，建議大家分開幾天閱讀喵）
《毛記電視第一屆十大勁曲金曲分獎典禮》（TVMost 1st Guy Ten Big Ging Cook Gum Cook Awards Distribution）在2016年1月11日在伊利沙伯體育館舉行。影片起初我還以為只是一個「毛記電視」的節目，誰不知竟然真的是一個有板有眼的分獎典禮。什麼？不知道什麼是「毛記電視」？不要緊，總知這典禮中會唱很多很多二創曲目，完。（還有很多很多精彩（落選）曲目可在「毛記電視」的網上節目《勁曲金曲》中找到）
喵宅會按歌曲在分獎典禮中出現的次序介紹每首歌的影射對象，以及其原曲。
1. 終生習武
喵宅見識不多，不過看到「武」這一字，大家會想到是和暴力有關的東西吧？無錯，此歌反映的是「14巴港女事件」。
原曲：《終生學習》，鄭融
作曲：謝杰
改詞：毛記電視
主唱：鄭融
街中踢鑊你 我這麼暴力也為咗冧你
每天毆打你 然後再學太極氣功勾你條脷
再學習狂𢱕你 嘗試叉頸掌摑帶出鮮血的甜味
能夠學懂扑濕你 定會很和味
如有天跆拳四段 讓我喺公園
專注練泰拳 連條燈柱都踢攣
為甜蜜相戀 便學習醉拳
談情求勇武 間中玩劈磚
求求別怕我神智接近錯亂
也咪驚這過程周身整損
縱使你藏在杏花村 暴力未會完
直到喺街邊 踢足七下我就像球員
就算跪我你跪到筋都斷
從來未厭倦 拳頭未間斷 直到你走遠
杏花村：其實我不太確定杏花村是不是有特別意思，還是純綷為了音調而填的。
2.胸追人
看到「胸」這麼一個特別的字，自自然然會想到襲警的新聞。原曲：《傷追人》，古巨基
作曲：側田 (On Your Mark)
改詞：毛記電視
主唱：王宗堯Sir
本應打畀一哥可以求助
無奈你竟是用平胸傷害我
我只好即刻還拖
為了邀功 警車請你來坐
誰料你竟扮無辜扮無助
還用心口拮痛我
知了 話我揼你揼到勁噴鼻血
話我非禮暴徒 欠你這麼多
拔槍顯得我太劣吧
但我好驚給胸頂住我
＊我最多 把警棍暫時就當不屬我
麻木去受你 對肉重擊一趟
怕什麼 我手臂但求任你摸
原來胸懂追我 不必去躲＊
或者遭衝擊必須要炫耀
無奈我的幼滑皮膚 都賠掉
寧願Day off休假了
給你 大我窒我鬧我撞我
鑿我揼我 一切事情已上了生果
我踎低都會見頭暈
問你班友點解欺負我
Repeat＊
我最多 把水砲暫時就當不屬我
麻木去受你 廢墩重擊一趟
怕什麼 腳趾甲但求任你摸
心口不要磨我 驚支槍會走火
把警棍暫時就當不屬我，把水砲暫時就當不屬我：這是嘲諷朱經緯指警棍打人是手臂延伸的言論。
3.越癌越愛
終於有一首歌不是談論政治和社會衝突的了，這首歌是回應有關世界衛生組織發怖經常吃加工肉類會增加患癌風險的言論。原曲：《越難越愛》（無綫劇集《使徒行者》片尾曲），吳若希
作曲：徐洛鏘
改詞：毛記電視
主唱：盤菜瑩子
世界上最正去找臘肉來爆香 呢隻鑊
啪腸仔不會驚頸渴 啪多半磅
最肚餓那半秒鐘念在有你的 寬廣豬肩膊
無勇氣每日食白粥 頭暈流汗
再計算也沒一種方法 定論食乜 先無食錯
只需知道 患癌病我當跌幾磅
無懼世衛變改 還是越癌越愛 為漢堡我在期待
餐蛋丁麵至少這一季 被和味蓋過了傷害
無負吔壞腦袋 還是越癌越愛 就算氰化物滿載
吃肉我至會夠鈣 不要只畀菜
在台上習慣猛扭膝蓋
食菜 沒力氣點扭爆個台 像木村拓哉
最肚餓那半秒鐘念在有你的 寬廣豬肩膊
無勇氣每日食白粥 我要與你喝有肉類嘅湯
我腦細也沒身份資格 話為健康 阻我吃腸
只需知道 就算病我當跌幾磅
無懼世衛變改 還是越癌越愛 為漢堡我在期待
餐蛋丁麵至少這一季 被和味蓋過了傷害
無負吔壞腦袋 還是越癌越愛 就算氰化物滿載
吃肉我至會夠鈣 不要只畀菜
飯團就算割開 直接啲講 淨係怕香腸不在
世衛變改 還是越癌越愛 願挺身永不食菜
火腿奄烈我都超喜愛 食頹飯哪怕有傷害
無負吔壞腦袋 還是越癌越愛 就算一吃就釘蓋
吃肉我至會夠鈣 不要只畀菜
晚飯就算搭檯 如無豬手 我只好去跳海
4. 中女羅生門
這個很明顯就是關於羅生門的一首改編歌，內容主要是講述《羅生門》中的女神在十年後……詳情大家請聽歌。原曲：《羅生門》，麥浚龍、謝安琪
作曲：伍樂城
改詞：毛記電視
主唱：葉蘊儀 feat. 專家Dickson
（若果你 在四張後
突然回頭又講喜歡我嫩口）
很忐忑 好想再十年後翻兜
近日舊同學笑我已 身心乾燥咗六百週
很招積 這一世食勻全港九
但二十年後我快變成老蓮藕
每晚與哈囉吉蒂貓結成密友
狄波拉就幸福啦 仍然少女仲恨嫁㗎
曾經港女才懶瀟灑 但其實一早冧你啦
那動人時光 今日才回看
隨時可跟你半夜渡嚴寒 就Book起那間房
這十年時光 我經已有脂肪
崇韓中女欠缺浪漫才崇韓
容易增加嘅體重 最難下降
真心講 家陣無情人勁不爽
若路上重遇你約你食大牌檔
你有無金屋加靚車我無用看
人大了若想嗒糖 先不要強求年輕力壯
外貌嗰啲都唔講 做下任老公只需健康
那動人時光 今日才回看
隨時可跟你半夜渡嚴寒 就Book起那間房
這十年時光 我經已有脂肪
崇韓中女欠缺浪漫才崇韓
容易眼淚流廿年 難在補妝
（還是記得那次想追你 你又讓我收檔）你那時太猖狂
（過咁耐當你變做中女 先摟我再開檔）
（個個也探問女人不老的秘方）個個也探問女人不老的秘方
（其實中佬怕中女太過濃妝）難道老十年就只有化濃妝
（我落糖 佢落糖 而你落代糖）你落糖 佢落糖 而我落代糖
（iPad Mon 清早與夜來亦望望
Load不到網頁過兩秒又再看看
被竇裡留言係最Warm）
那動人時光 今日才回看（寧願毒下 踎喺個浴缸）
隨時可跟你半夜渡嚴寒 就Book起那間房（不想唱合唱Song）
這十年時光 我經已有脂肪（逃離異性 天天也預咗 自己單手上網）
皺紋前掃陰影 等陣咪又流汗 成日整甩晒啲批盪
（其實就我已勁忙 要定期去鴨寮逛模型行 砌嘢勁忙）
別懶忙（下個七月）
願排期團聚於 關島某地方（食成碟頹飯飲 青島至係爽）
5. 想搭很難
有段時間因為港鐵多次拒絶乘客攜帶超過行李規定尺寸的樂器，而相反不少水貨客郤能攜帶大型貨物乘搭港鐵，這種雙重標準使社會上出現不少批評港鐵的聲音。
作曲：陳輝陽
改詞：毛記電視
主唱：張崇基、張崇德
最好 港豬一律都咪入去
大提琴 長得交關我勁想啪斷佢
返學 其實音樂科最無樂趣
面對現實 樂手多數無前途無水
可知我 不過盡本份 我專捉香港女生
不要 怪責我捉得太緊
尺寸過了界你那個琴 同時亦最易跌爛隊爆別人
＊要搭港鐵很難 就難在其實古箏有四五尺長 怎麼辦
帶Cue棍都難 運太大的嘢就沒收 我再無力歸還
運奶粉卻不難 盡情運成萬幾喼冇有怕 我從來唔設限
帶水貨好閒 做個站長有責任給予貴賓面露歡顏
水客入站 讓佢有空間
返上大陸 送佢去到終站
人哋賺錢多休息少 畀佢過闊閘 唔擔心 你哋看不過眼＊
可知我 不過盡本份 只識聽東北口音
不要 怪責我姑息阿嬸
尺寸無過界你咪理人 求其運下行李又點會陸沉
Repeat＊
無論在東涌於金鐘 都永遠記住第一戒 強客先於港燦
大提琴、古箏、桌球棍：以上物品都有被港鐵禁止攜帶的情況出現
奶粉、水貨：以上物品也多次能乘搭港鐵（奶粉雖小，但有些物品體積巨大）
6. 羞家baby
剛好在兩年前，喵宅還在讀中五的時候，有同學在午膳時用班房內老師的電腦播了這段片先不論大家對影片的第一印象，這首歌諷刺的是梁振英提出的「特首超然論」（順便嘲笑原MV的低劣水平）。
原曲：《Suger Baby》，FFx
作曲：DT@Redholic
改詞：毛記電視
主唱：「FF的s」
每次遇見你時怕你出醜
怕你發言會太任性太牛
Oh CY CY baby CY CY baby
Next Time請先搵我斟斟
你咪再扮蟹態度似小丑
最怕你又笑笑容似隻狼
Oh CY CY baby CY CY baby
無腦嘅嘢咪說出口
＊沉悶如飛蚊般飛過
期待煩膠Press Con一過
我要高叫 I Help U
要向世界告知
I'm ready make you 乖＊
＃Don't be my 羞家 baby
My 羞家 baby
懇請你說話要小心
當然信你係超然的人
但係講就沙䴤
口噏噏咁太Treegun
Don't be my 羞家 baby
My 羞家 baby
點解你個人咁天真
真的想說句：「You r Kai」
咪再咁蠢豬 不准天天都滾搞我
I hate OT＃
帶你見外國人最最減分
個個也說你無腦夾無能
Oh CY CY baby CY CY baby
奸奸地咁最激死我
每次望見你太悶太囉唆
劈爆你額角說著你太傻
Oh CY CY baby CY CY baby
出生一刻已經出錯
Repeat＊＃
Don't be my 羞家 baby
My 羞家 baby
只得你最讓我噁心
牽手見證著你在懶型
懷著廢和猙獰
簡簡單單已想攞棍
Don't be my 羞家 baby
My 羞家 baby
點解你個人咁更天真
真的想說句：「You r Kai」
咪再咁蠢豬 不准天天都滾搞我
I hate OT
Repeat＃
Treegun：鍾樹根的暱稱
7. 中東與綜
這首歌較為輕鬆，因為它影射的不是政治等複雜的東西，而純粹是揶揄TVB互動新聞台女主播麥詩敏說出中東呼吸綜合症時結巴一事。原曲：《風箏與風》，Twins
作曲：伍樂城
改詞：毛記電視
最初版主唱：周嘉鹽 feat. 盤菜瑩子
現場版主唱：方健儀 feat. 何韻詩
沒有燈 暗啲都可報導
如沒人 甩嘴都不覺糟
你咁新 若似資深主播多麼好
單手都可以報 最怕突然沒有稿
誰像你 冒險去讀咁傻
還差這一句 即使這個名出了錯 但我可講過
當中東遇上綜 中級綜合中痛
仍能乘著狂東 呼吸中綜中級勇
有了東合中風 仍然流露著笑容
當中東沒有綜 中級東也中級重
誰能來做微東 不必管我呼吸重
冥冥中遇上綜 擦過愛的中東 唸極也不中
有老虎 都講咗甩褲吧
報婚禮 都噏咗喪禮嗎
又錯啦 做個甩嘴主播都不差
幾粒音講錯過 那報導還未算假
誰像你 冒險去讀咁傻
還差這一句 即使這個名出了錯（喜歡Hip Hop的一個主播）
但我可講過
當中東遇上綜 中級綜合中痛（如何面懵）
仍能乘著狂東 呼吸中綜中級勇（仍然學會補中）
有了東合中風 仍然流露著笑容（Rap過 更加紅）
當中東沒有綜 中級東也中級重（不願意放工）
誰能來做微東 不必管我呼吸重（苦練字眼輕重）
冥冥中遇上綜 擦過愛的中東（有誰 可讀中）
唸極也不中
當中東遇上綜 中級綜合中痛（不怕 衰得多痛）
仍能乘著狂東 呼吸中綜中級勇（六點半也活得英勇）
有了東合中風 仍然流露著笑容（若鉗實個膝蓋 我會冇乜失控）
當中東沒有綜 中級綜合中痛（不怕 沿路再中）
仍能乘著狂東 呼吸中綜中級勇（誰怕綜 仲總忠終種宗縱）
冥冥中遇上綜 擦過愛的中東 唸極也不中（有中東 便有綜）
8. 明張目膽
這首歌的內容同樣是與某人說話出錯有關，就是鍾樹根多次說出錯誤的中文及英文。原曲：《明目張膽》，何韻詩
作曲：張佳添＠宇宙大爆炸
改詞：毛記電視
主唱：「何韻tree」
請 喜歡我樹根
齊來溫習上次我 堂上自創那中文
別太深 先不要學德文
全憑我口中的same on you
營造著創意英文
我明知 好多市民唔妥我
平時話我態度幾寸
我係叻 咪寸囉
若有 一天公開 明張目膽的愛
我怕悔辱你 太意外
子烏虛有 主席縮到最小 肯肯定不存在
就算 吞咗碗底 情願搇返碗蓋
鴨蒜有密碼 不公開
我一向 都慣自言自語 沒麗芸愛
誰話我尖明on office
我心諗I don't think so囉
如若你要去下載
同樣我去串流都可下載
Chirs 名咁串沒錯
唔同喺學校㗎噃 同學別要太心多
在議會 識玩嘅係齋坐
成為愛發揮的一個我 行步路已發揮咗
若有 一天公開 明張目膽的愛
我怕悔辱你 太意外
子烏虛有 主席縮到最小 肯肯定不存在
就算 吞咗碗底 情願搇返碗蓋
鴨蒜有密碼 不公開
我一向 都慣自言自語 沒麗芸愛
誰話我尖明on office
我心諗I don't think so囉
如若你要去下載
同樣我去串流都可下載
暗寸市民最厲害 不開會逃到戶外
但願盡情罵戰 誰說tree需要改
若我 一天公開 明張目膽的愛
我怕悔辱你 太意外
子烏虛有 高鐵起到最威 煙花塞牆在
上次 輸咗區選 就當慳返齋菜
無我派白米 邊精彩
我講嘢 不怕隻牙又再 夾住條菜
What are is your daily work 呀
在這主法會Answer me
如若個腦缺乏鈣
其實你也要食多啲莧菜
無論博葛靚帆愛
明白叫李靚琼的 不是愛
以上均是鍾樹根曾說出的引人發笑的言論。
9. 北韓海闊天空
這首歌沒有特別指名一件事件，而是因為北韓一連串的高調行為，金正恩的印象深入民心，歌曲乘着此氣氛揶揄北韓及金正恩本人（而直至現在北韓的行為更加升級，更加張揚，所以本身歌曲亦更有意義了）。原曲：《海闊天空》，Beyond
主唱：真‧ 陳奐仁
金仔我 平壤裡看雪飄過
김 영 나는 북한은 너무 플로트를보고
懷著冷卻了灰色中山套裝
냉각 회색 양복 중산로
參觀兵工廠 視察軍隊炸山窿
아스날 방문 산 구멍의 검사 군대의 철거
天空海闊靠曬我 打聖戰
와이드 나의 바다 하늘을 건조하여 지하드 싸움
多少次 迎著美帝嘅嘲笑
얼마나 많은 시간을 직면 미 제국주의 관대 한 웃음
從沒有放棄過 All back 的靚樣
모든 뒷면은 꽤 종류 포기하지 않는다
Body Shape 好得 若有 Brad Pitt 的感覺
몸 모양 너무 좋은 만약 브래드 피트의 느낌
多得首爾嘅百姓 的厚愛
서울은 더 관대 한 사람이었다 모든 사랑
＊原諒我這一生不羈放縱冇面油
내 인생은 성가신 표면 오일 관대 노골적인 용서
哪會怕有一天會變佬
어느 두려워 할 것어느 날 사람이된다
個個也拍掌 人人都鍾意
또한 모든 박수 모두가 도민준 씨
也會怕李光洙都妒忌我
나는 또한 질투 이광수입니다 두려워＊
薯蓉未曾食過
으깬 감자도 먹을 수 없다
我最憎部隊鍋
내가 가장 증오 냄비 군대
討厭 M 記
나는 M 기록을 싫어
Repeat ＊
領諾貝爾獎 誰人都可以
Oppa Gangnam Style I love 천송이
亞太最靚仔獎攞嘅係我
Super Junior G-Dragon 나는
10.亞視永恆
此歌曲名為亞視永恆，而實際上亞洲電視最後是破産倒閉了，因此此曲看似在歌頌亞視精神，實際上是諷刺事實已反映亞洲電視已經不行了，「亞視永恆」只不過是漂亮話而已。除了「毛記電視」外，亦有很多人創作這首歌的改編版本。
原曲：《愛是永恆》，張學友
作曲：Dick Lee
改詞：毛記電視
主唱：河國榮
又有新股東 能受百樣痛
難道有合約合同 就會簽林峯
這亞洲不可釘蓋 廢極都有用
Happy birthday to me 岩布仙尼奉送
試睇幾秒鐘 頭部重又重
仍是有誤播內容 又搶Fo成功
亞視會 永遠都存在
有朱慧珊 仲有個何B／有低智森 仲有亢帥克／有宮雪花 仲會掟壽包
＊有著我 便有著你 想亞視永不死
穿過咗王征 跨過咗維基
有著我 便有著你
啲節目咁有taste 實預埋你
亞視永恆 熄機無義氣＊
又播返《富翁》 然後播舊戲
其實佢係有籌旗 就快出人工
每日播 愛國的言論
令我頭上 形住有蜜蜂
Repeat＊
有著我 便有著你 睇亞視我OK
咪話好難睇 好過睇自己
有著我 便有著你
loop到下個世紀 仲未埋尾
亞視永恆 執笠嘅係你
11. 《Sir來了》《測無驗》《喇沙，真的愛你》《完咗暑假》《補充練習無間做》
這幾首都主要諷刺在現時學習制度下引起的社會病態，例如學業上的盲目競爭，學童的學習壓力等。《Sir來了》
原曲：《狼來了》，楊千嬅
SIR來了 將一班乖豬嚇壞了
我沒法預料 欠交功課後果
明明是做足了 不記得帶 瀨晒尿
留下這中年男 在班房中體罰我
作曲：伍樂城
改詞：毛記電視
主唱：謝小琪@繁忙兒童合唱團
沒有跟阿媽駁嘴 我不會hea落去
默書小測考試之際老師想我撐落去
我痛恨成熟到 不靠老豆贈送文具
自覺地去造句 彷彿小息飲汽水
被老師每天讚許我不配訓落去
在我溫書一刻必須解穢找到我樂趣
個TSA再衰 也是快樂著唏噓
幾箱雞精咁high 難怪註定似飲酒 飲醉
《喇沙，真的愛你》
原曲：《真的愛你》，Beyond
無法可休息的一對手 帶出功課永遠在背後
學會通識加中英數 只懂珠心算未夠
沉醉於violin早攞慣獎 結他比賽卻永未退讓
決心寫好中文書法 英文德文也合格
繪畫奧數暖透我的心 體操刺繡無言地送贈
電腦剪紙占星工作坊 教我魔術跆拳道
社交舞劍擊不應放棄
沒法解釋怎可報漏古箏 興趣班就是無限
請收我 喇沙 真的愛你
《完咗暑假》
原曲：《全身暑假》，容祖兒
我有權退步 我有權好躁 越鬧就越係唔用腦
有作業咪做 咪帶份通告 學校內勁嘆像陳豪
完左暑假 i dont care 誰將textbook塞滿我書架
完左暑假 i dont care miss cha把聲好似我的媽
學校內玩耍 升小三我照當放暑假
《補充練習無間做》
原曲：《無間道》，劉德華
作曲：伍樂城
改詞：毛記電視
主唱：「劉小華@繁忙兒童合唱團」
我已做到勁憔悴 再做我就嚟去 全日也未曾睡
其實我 我未夠十零歲 焗我成材媽咪佢太衰
＊生命太短 紅日無限遠 補充超多本我氣都就斷
不理會世上同學太多 FD子太少 讀到快爆炸氣絕送院
明明我已晝夜無間想討好老母
夢想中的Summer為何還未到
明明我已奮力無間 補充喪做 我不玩也為活得好
你問我想點 誰能知道
在這炎夏中無間做＊
Repeat＊
何時才離開到校園
要對抗媽媽總是疲倦
個怪獸老豆原來仲寸
說升中一 升中三 亦冇得間斷
明明我已晝夜無間想討好老母
夢想中的Summer為何還未到
明明我已奮力無間 補充喪做 我不玩也為活得好
猛喝雞精 提神醒腦
就算腎已虧損 仍然要做
12. 畀女飛正傳
這個……是賣廣告的。《重品味》
越過尖東一刻 跟你在公園之中狹路裡相逢
大概你畀囡飛咗 看你眼睛都哭得勁腫勁紅
下半身不要屈到下個鐘 點稱呼你
呀 我就叫海峰
呢度有 神秘嘢 啱你用
未怕 Gel 緊左邊 Gel 下右邊 啲 Hair Jam 香過四寶飯
但怕摷鬆啲的水 嘩你靚仔得誇張 勁似浩南
若你不英俊 飛你係佢啱
個 Look 執正 夠俊就有得揀
只願你 型到伯 母佢都想喊
髮界幫你梳齊 誓死都梳齊
你 Charm 得有如 吳彥祖轉世
也許執陰向上 人就有發圍
嗱蠟起咗幾咁似o架仔
我要趕去巴黎 順便搵湯唯
要走先喇 嗱嗱淋付費
這一款優質 Hair Jam
每盒才六百咋好抵 見係你不收咁貴
13. 幾好相與
這個也是賣廣告的，不過這廣告是為了「#多謝Shell」的，詳情請自行搜尋。原曲：《幾許風雨》，羅文
主唱：真‧盧海鵬
無言輕倚車邊 凝望老細急也亂
似個痴漢 髮尾打結 脈象亦錯亂
徐徐加幾litre油 油量控制得老練
幾許車主 我也serve過 屹立到目前
一生之中誰沒爆呔 死火少不免
看透你似有啲急喎 快手小個便
擋風玻璃 嘗盡雨絲 幫它洗洗臉
偶爾也逛下便利店 步伐別凌亂
一陣塞車點樣算 飲支水先算
整番一打加油劵 講聲bye bye先
悠然想起當天 條路窄我都會亂
到我揸咗 四百公里 技術又幾掂
嗱人生講真呢 成日咁躁好快倦
去到醫院 要笑一下 淡定過謝賢
錫下衰婆 再錫寶貝
慢動作團圓
14. 廢鐵是怎樣煉成的
這個沒什麼特別要影射的事物，大家可純粹當它是一首較普遍的流行曲。原曲：《鋼鐵是怎樣煉成的》，何韻詩
主唱：真‧ 何韻詩
從頭溶掉猛搵錢的信仰 拒絕向高向上
能喝汽水 我不必食羊
隨著每次打嗝 我會著涼
我孱我也唔想 飲啖靚湯 喉嚨才舒暢
其實個社會 物都收購 最後令我 站著亦吹脹
佢抱實銀兩 但凡人 我想休養
＊我變做了廢鐵 但未完全勝利
頹就馬上食個梨
我都想可以富裕到 仿似慈禧
賤賣我那顆心 就唔OK
我變做了廢鐵 勝在同埋你地
成就廢燉既世紀
若我金毛已夠 包養自己 (若你都想嘆下 獎下自己)
又哪用似曾江 整黑髮尾 (就約實馬德鐘 錫啖你) ＊
如何強硬到Fd子都嚇退
說話冇乜過慮
才夠噴足兩粒鐘口水
先知斷了條水
都怪我屎從來唔識趣
無奈我樣衰衰懶得意
太鈍鈍到上面亦不去
卻困在維港沒人抬也不出去
Repeat＊
我變做了廢鐵 我食龍肉冇味
平時我就食咖喱
我都想可以富裕到 仿似兆基
但係濛查查 唔係幾識交戲
我變做了廢鐵 每日同埋你地
求其去旺角唱K
若你聽開黎明 用黎收尾
合唱著 「對不起 我愛你」
我係廢 吹咩 廢得起
15. 婚姻背後
這個也是一般的流行曲。原曲：《婚紗背後》，徐小鳳
主唱：真‧ 方健儀
仍然會笑 儘管我是苦笑
望着黑 s 品 激得每日慘叫
你再嘈就快爆發海嘯
阿姐今天唔想拗撬
仍然祝福 祝福我未癡線
望着沙梳化 梳化瞓着的臉
你是誰 為你煮餐蛋麵
仲要加條燒春卷
＊未想多講半句 唯恐怕會落淚
提你幾點飲水 (唔該鏈鏈小腿) 我做人妻太累
又好興加把嘴 廚房都跟我去 (做冬跟返規矩 娘家請跟我去)
你咁黐身 要我以身相許 (見我炆憎 你咪再咁多嘴)
婚姻中你我雙雙老去
比你夾住行落去
我哋夾埋就快一百歲
仲想 sweet 啲 可食糖水＊
仍然祝福 祝福我未家變
望着湯渣 湯渣已食幾轉
我是誰 為你洗衫幾件
卻已經黃了塊面
16. Dance歌之王
其實這才是第一首出場的歌才對，不過喵宅到最後才發現，所以就放在這兒了。這首歌主要是作為開場曲，有表逹偽員的熱誠及歡迎各位觀眾之效。
我跳得很郭富城你別皺眉
我願意和你跳住唱K
我只想好Chok地煞到下世紀
請你別嫌我將這肚皮奉獻給你
還能煞什麼
街舞若未（能）令你興奮
便宜地跳出
Flamenco的性感
還能熬什麼
爵士舞不可感動人
俗套的Cha Cha
煽動你惻隱
誰人又相信
機械舞這款Hip Hop舞蹈
來吧送給你
叫幾百萬人流淚過的Step
如從未睇過
舞王如幸福的士陳
才令我今晚
要拚咗老命跳跳跳跳那麼多
將我腳踭啲血
一一拋到銀河
誰人落踏
誰不驚我行貨
分啲奬座贈我
我跳出紙扇舞時眼淚會流
要是怕難看抱住我手
我只識一隻廣場舞你放心
比跳住茶舞班友更簡單
誰人又相信
機械舞這款高級舞蹈
來吧送給你
叫幾百萬人流淚過的Step
如從未睇過
舞王如幸福的士陳
才令我今晚
要拚咗老命跳跳跳跳那麼多
給你用力跳二十首不拾不棄
還附送你港式探戈
給你賣力跳二十首真心真意
馬德鍾都因我動容
無人及我 你怎麼竟然說
Dance歌之王是我
我只想跟你跳完舞就跳河
嫌隻社交舞絶得不能絶
絶到容易錯
要拚咗老命跳跳跳跳那麼多
將我腳踭啲血
一一拋到銀河
誰人落踏
誰不驚我行貨
分啲奬座贈我
我跳出紙扇舞時眼淚會流
要是怕難看抱住我手
我只識一隻廣場舞你放心
比跳住茶舞班友更簡單
誰人又相信
機械舞這款高級舞蹈
來吧送給你
叫幾百萬人流淚過的Step
如從未睇過
舞王如幸福的士陳
才令我今晚
要拚咗老命跳跳跳跳那麼多
給你用力跳二十首不拾不棄
還附送你港式探戈
給你賣力跳二十首真心真意
馬德鍾都因我動容
無人及我 你怎麼竟然說
Dance歌之王是我
我只想跟你跳完舞就跳河
嫌隻社交舞絶得不能絶
絶到容易錯
郭富城：郭富城的舞蹈備受欣賞，不過也有一些人不認同
的士陳：這是諷刺陳偉霆在《Taxi》的MV中的無姿
17. 真‧香港地
這個作為一首結幕歌，每句也是在講述香港的狀況，以及香港人的心聲。有歡送各位觀眾及帶出此活動的中心思想的效。
原曲：《香港地》，陳冠希
主唱：真‧ 河國榮 (feat. MC 仁)
同熱愛這片土地 大家刻骨銘記
愁或喜 生與死 也是香港地
對於呢個地方 我同你同一個同感
同一個諗法 我同你同一種人
雖然你有你忙 我有我忙 佢有佢忙
各有各行業 但係聽過同一首王傑
廣東道旁北京旁 啲喼塞爆同一個海港
大把小店接埋就係 我地呢一個香港
右邊有好多金行 左邊有好多藥房
面目全變 仲係唔係我哋嗰一個香港
經過幾多風暴啲樓價仍然屹立不倒
慈雲山下馬鞍山下依舊死做爛做
新機場唔再新 但係話想整多條跑道
舊車廂唔再用 但係新車廂有故障訊號
新路總 新報紙 新 TV 新主持
邊個話事我唔懂事 基本上唔再係白紙黑字
經過幾多清洗 真港仔仍然係真港仔
經過幾多瘋狼真港人仍然係真港人
＊同熱愛這片土地 大家刻骨銘記
愁或喜 生與死 也是香港地
同熱愛這片土地 大家一句到尾
由自己 生與死 也在香港地＊
(MC 仁)係得呢個地方出世 就預咗喺呢個地方道死
有人會痾到黃金遍地 搞到有陣黃金味
有人會睇到唔一樣 樣樣嘢怪塊土地
有人會屈人宿娼嫖妓 有人會選擇離地
有人會認為呢個係六八同九嘅問題
呢度嘅官員一齊吹水 點會居安思危
7 百萬隻螞蟻 唔容易走晒出嚟
向住同一個電視睇 一定會鍾意梁烈唯
係真香港人 當然會識英雄輝
係真香港人 可以睇埋同一篇潮文
你一崇拜馬雲 就表示你係第二種人
I rap the police I rap the government
跌得起輸得起 搵首歌笑下自己
真港人至叻 唔使靠人個個靠自己
唔怕攬住飛唔起 使乜要同人地比
要有定企 首先要企硬自己
要完全理解及欣賞以上歌曲，至少要了解近幾年的香港地的變化。故此，喵宅個人也希望大家要多點留意香港，關心自己身處的地方，愛護自己的家。
其他資料：.
- " 勁曲金曲." 毛記電視, http://www.tvmost.com.hk/search? hash=%E5%8B%81%E6%9B%B2%E9%87%91%E6%9B%B2. Accessed 26 November 2017.
- 勁曲金曲, http://gingcookgumcook.wixsite.com/lyrics. Accessed 21 November 2017.
- 司徒俊樂, 郭沛妍. "一期一字﹕歌詞顯照社會百態 惡搞受歡迎 因諷刺時事." life.mingpao, http://life.mingpao.com/cfm/language3a.cfm?File=20160106/language02/gfh1_er.txt. Accessed 19 November 2017.
由於喵宅起初沒有留意，寫到最後才發現廣告時間中還有《鼠能夠》和《耶穌到》，然而喵宅沒心情所以不寫了（篇幅太短所以沒什麼興趣，大家感興趣的話可在網上找找看）。不過除了以上曲目外，毛記電視還有很多其他精彩歌曲的（大家可回顧《勁曲金曲》）。
以上🐢喵。
No comments:
Post a Comment